Flores – die Geschichte zweier Abenteurerinnen

Nach unserem erlebnisreichen und vor allem unglaublichen 2-Tages-Bootstrip durch den Komodo-Nationalpark haben sich die Geschlechter getrennt. Phil hat sich per öffentlichen Verkehrsmittel  Richtung Osten fortbewegt, die Mädls (also Sonschi und ich) haben sich für insgesamt 4 Tage einen Private Driver, den Roby  – in dieselbe Richtung – gebucht. Warum? – Das erzählt euch dann noch der Phil in seiner Version!

Auf einer hügelig (eher schon bergilig) kurvenreichen, aber dafür recht neuen (d.h. noch relativ wenig Schlaglöcher) Strasse (die einzige Verbindungs- „Autobahn“ zwischen Westen und Osten der Insel … entspricht ca. einer asphaltierten Forststrasse in Österreich), gings vorbei an spinnennetzförmig angelegten  Reisfeldern und saftig grünen Reisterrassen zu einem kleinen Dörfchen das den Namen Compang Ruteng trägt. Natürlich sind wir gleich mal in der Hütte des Dorfältesten eingekehrt, bekamen prompt traditionelle schicke Kleidung von ihm verpasst und versuchten mit Händen und Füßen eine Konversation mit ihm zu führen – kein Problem für zwei so „zeichengewandte“ Mädls wie wir es sind! Aus sicherer Quelle wussten wir auch (danke Werner!), dass es in diesem Dorf  ein einziges Mädchen (Vilo) gibt, das Englisch spricht.  Sie ermöglichte uns interessante Einblicke in das Dorfleben und wir erfuhren mehr über ihre Familie und ihren Glauben.

Weiter gings zu einer floresischen Schnapsbrennerei  - Herstellung von Hochprozentigem aus der Kokospalme mithilfe von Bambusröhren. Klingt komisch -  ist aber so und funktioniert obendrein auch noch! Das Ergebnis ist sehr stark und geschmacklich gesehen, ein eher  gewöhnungsbedürftiges Rauschmittel das, wie wir hörten, manchen Menschen hier schon das Leben gekostet haben soll!  Zu unserem Glück haben wir dort Francisco getroffen, einen Ortsansässigen, der zufällig gut Englisch konnte und noch dazu ein Hotel ganz in der Nähe der Schnapsbrennerei besitzt – direkt am Strand! Was für ein Glück wir aber auch haben!

Und da war er: der perfekte Strand! Direkt vor unserer Bambushütte mit Freiluftbadezimmer im europäischen Stil, durch einen wunderschön angelegten Garten und wild gewachsene Palmen hindurch ein Bild wie aus einem Bilderbuch! Zur Linken einen Vulkan, zur Rechten unendlich weiten, weissen Sandstrand und  - KEIN Mensch weit und breit. Nachdem am Vormittag die letzten Gäste aus Frankreich (Honeymoon) abgereist sind, blieben wir für diese Nacht auch die Letzten und Einzigen an diesem sagenhaften Ort! Und das um einen sagenhaft günstigen Preis! Unser Glück ist zu diesem Zeitpunkt eigentlich kaum mehr zu fassen!

Ja und weil uns der Francisco gleich so ins Herz geschlossen hat, hat er sich auch sofort am nächsten Tag freigenommen um mit uns, aus rein freundschaftlicher Geste ( Ja, nicht jeder in Indonesien will dir etwas verkaufen) einen Ausflug durch die tropische Pflanzenwelt zu machen, die uns, als alte Naturliebhaber und Hobbybotaniker, besonders interessiert. Einfach unglaublich was alles auf dieser Insel wächst: Ananas, Cashew-Nüsse, Avocados, Bananen, Zimt, Kakao, Vanille,…  - und jetzt wissen wir auch wie und wo! Das ganze Gemüse und Obst und noch viel mehr wurde uns dann gleich im nächsten Dorf direkt am Markt präsentiert und appetitlich für uns bereitgestellt… Da musste man einfach zugreifen!

Kakao

Zimtrinde

Noch am selben Tag gings weiter, vorbei am Blue-Stone-Beach, in den Ort Moni von wo aus wir am nächsten Tag in den frühen Morgenstunden (weil wieder mal Sonnenaufgang und so…) den Kelimutu besteigen wollten. Im Gegensatz zu unserer letzten Vulkantour dauerte diese allerdings nur 30 Minuten, da man mit dem Auto quasi bis zum Gipfel hinauffahren konnte. Die eigentliche Attraktion dieses Ortes waren nämlich die 3 verschiedenfärbigen Kraterseen, die aufgrund von bestimmten Mineralien die Farbe verändern – das allerdings nur alle paar Jahre. Bei uns waren sie schwarz, grün und türkis (aber man hört auch, dass einer davon schon mal rot und gelb war)… Ganz nebenbei, das mit der Sonnenaufgangsbesteigung hat aufgrund indonesischer Zeiteinschätzung leider nicht geklappt. Oben waren wir dann nämlich ca. 20 Minuten nach Sonnenaufgang. Aber Sonschi und ich nahmen es gelassen, jetzt sind wir ja schon lange genug hier gewesen um zu wissen wie es so läuft  ;-)

Blue-Stone-Beach

Kelimutu Kratersee

Zu unserem Glück waren auf dieser Insel so wenig Touristen unterwegs, dass wir uns fast überall ziemlich alleine aufhalten konnten, so auch z.B. am nahe gelegenen Wasserfall, aber auch bei den Hot springs (ein heisser natürlicher Pool inmitten der Reisfelder) – Thermenfeeling kam auf…

Den letzten Abend haben wir dann mit einem guten Essen und ein paar Araks (der Schnaps, von dem Leute sterben) bei den Einheimischen ausklingen lassen, deren Trinklaune der österreichischen in Nichts nachsteht muss man sagen! GottunddieWelt-Themen wurden angeregt diskutiert, es wurde gelacht, gesungen  und …. Ja genau: fotografiert! So wie es sich gehört! 

Am nächsten Morgen wurde die Fahrt, mit dezentem Kopfschmerz, zum Flughafen angetreten. An dieser Stelle muss noch kurz angemerkt werden, dass eigentlich der Fahrer uns schon um 5:00 aus dem Bett hauen wollte, weil er meinte es wären ca. 5 Stunden zum Flughafen. Wir natürlich gleich zu Verstehen gegeben, dass das so nicht unserer Vereinbarung entspricht, haben wir ihn doch für 4 GANZE Tage bezahlt haben. Wir einigten uns darauf um 7:00 wegzufahren, weil wir ja auch verstehen, dass er heim zu seiner Familie möchte! Wann glaubts waren wir am Flughafen? Um 9:00! Abflug nach Bali war aber dann halt erst um 14:00! Wir können nur mehr drüber lachen! Und die Wartezeiten können wir uns ja mittlerweile überall mit schlafen und chillen vertreiben, z.B. am Flughafenboden wenns sein muss!

Schön wars! Danke Sonschi für die coole Zeit!

Vorabinformation für alle diejenigen, die der Mostviertlerischen Sprache nicht mächtig sind: Ihr verpasst defintiv nichts, wenn ihr den unten angeführten Bericht nicht lest....deshalb wurde die Übersetzung auch zensuriert, wegen zu derber Fäkalsprache!

Eine Insel, zwei Geschichten od. böse Gedanken, schlechtes Karma, alles am Arsch

(die Geschichte eines Phils)

 

Ursprünglich woa da Plan jo, dass si da Phil vo de Mädels obsplittet eh recht gefestigt - weil surfen wichtiger wie super Naturerlebnisse hot a si docht und de aundan Buam jo a scho wieda in Bali aum rockn, do gheat jo separiert hot a gsogt. Wia beim Nationalpark-Schnorcheltrips hot a olladings wieda amoi vo de Distanzen her a bisl wos foisch vastaunden, weil bei denan foaht ma hoit für 400km glei amoi 10 Stund, weil denan eana Asfinag hoit nu net so de Stroßenbenützungsgebühren erhebt und somit san hoit de a dementsprechend. Außadem is aufgrund der Inselbeschoffenheit a Grode net so richtig möglich, Kurven daugn eana mehr sogns.

Najo - um nu amoi kurz zurückzuschwenken zum Kommodo Nationalpark: nochdem ea si a bisl vo de Moped-Umduschereien erhoit hot da Phil sitzt er so im Bootal, schaut so aufs Meer, streift mitn Blick sein Fuaß und denkt si: Jo Hallotz, des komische Kugal aum Rist, des i scho seit Malaysien hob is jo goa ka Kugal mehr, des is jo jetzt a Linie, de si schlängelnd in Richtung Sprunggelenks foatsetzt, komisch. Stunden später, selbes Szenario, nur dass die Linie nu a bisl weiter fortgeschritten woa und jetz auf amoi a narrisch gjuckt hot. Da nackte Wahnsinn hot si in Phil seine Augen widagspiglt haums gsogt domois, und zuagegeben - des Supergfüh woas natirli net, dass do wos in sein Fuaß umanaundatrickst.

Najo und des woa hoit da Beginn vo de bösen Gedanken muaß ma sogn: Vafluacht hot a´s de Dreckinsel, des gaunze Sch..Laund, im Grunde hot er jo scho gaunz Südostasien gschimpft und nochdem des jo net kla is, hots do einiges zum Schimpfen geben. Nämlich des wos do jetz wieda ois foigen wird hot eam a bisl in letzten Nerv zogen, nix mit Surfen, nix mit Halligalli in Balli, sondern ins Spitoi, Wurm aussaschneiden.

Tjo, noch dera Verschätzung hoit mit da Distanz sans daun draufkumma, dass da Phil nochn 2-Toges-Nationalparktrips si schleunigst verroin muaß in Richtung Maumere (do woa da Flughofen), weil sunst schofft er de 900km net. Do hots daun scho wieda zuagschlogen de Vafluacharei. Najo gsogt, dau: an eigenen Transport organisiert, de Mädels nu amoi zuwagnumma und eine in den klan Oa...Bus. Zu dem Zeitpunkt woa jo echt nur mehr ois Sch... und Oa...

Da Hawi, vo dem da Phil des Ticket für den Trips kauft hot, hot nu gmant: "The bus will drop you right to Ende, just one little Stop for Lunch, you will be there around 6 in the evening!" (Ma muaß dazuasogn, dass die Stodt Ende ungefähr 2/3 vom Gesaumtweg noch Maumere woan - vo doat muaß da Phili daun söwa weita organisieren, dass er hikummt). 

Daun is ea hoit eigstiegn da Phil und hot si do higsitzt in den Bus, der - wie olle Transportmittel später, nur vo Einheimische bevölkert woa und somit woa ea eher da Exot da Phil, da Weißhäutige, des hot eana daugt, maunche haum sogoa kontrolliert, ob ma de Foab vo de Unteroam owarubbeln kau, ob er net eh eher ana vo eana warat, owa leida: de Foab is blieben, nix mit waun ma laung gnuag rubbelt, daun wird er zum Floresianer - und daun sans gfoahn. Vorbei aun de ärgsten Dörfen, vorbei aun Natur pur über die ärgste Stroßn überhaupt.

Mittog is woan und da Phil is in Ruteng munta woadn im Bus, weil eam da Busfoahra grüttelt hot und gfrogt hot wo ea leicht hifoahn wü. 

Phil: "I wonna go to Ende." 

Busfoahra: "No go Ende."

Phil: "No go Ende not good." (de Dialoge san vo Mal zu Mal besser woadn)

Najo auf jeden Foi haums daun so a bisl trotscht de zwa, da Foahra hot wos auf indonesisch gsogt, da Phil wos auf englisch, außakuma is jetzt net sovü wie ma si vorstön kau. Noch an Zeitl hot da Foahra daun in Phil afoch irgendwo ausgsetzt. Z´mittog woas, fertig woara da Phil. Owa daun die Rettung: A hoibwüchsiges Madl in an Busunternehmen, de a bisl englisch gredt hot. Dera hot da Phil daun sei Ticket noch Ende zagt, wo eigentlich goa net so vü draufgstaundn is - haundschriftlich hoit, weil Computa daugn eana nu net so sogns. Iagendwie hot ma daun olladings de Company aufgstöt wo ea bucht hot da oame Wurmstichige (wie ma im Mostviertel so sche sogt) und jo des Madl hot daun checkt, dass er mit an Nochmittogsbus noch Ende weitafoahn kau.

Noch ewiger Woatarei, is wieda losgaunga, söwes Spü wie vorher. Kane Touris, nur Einheimische, kana hot glaubt, dass in Phili sei Hautfoab echt is, owa najo. Jetzt muaß ma dazuasogn, dass des so a Klabus woa mit drei Sitz nemanaunda, ohne Oamlehnen - jetzt is hoit so gwesen, dass so a ziemlich beleibter Mau mittleren Oitas neman Phil zum Sitzen kumma is, der gschwitzt hot und nur a Tanktop aughobt hot obn. Najo, ma kaun sie vorstön wos passiat, wenn der relativ schnö (innerhoib vo drei Sekunden) schlofat wiad, auf da Stroß a Kurven die nächste jogt und do nix zwischen Phil und dem Typen is. Entweder is ea aum Phil seina Schuita glegn, oda ea da Kopf is so wegkippt, dass unsa oama Mostviertler ständig Floresianische Hoa im Mund ghobt hot - i sogs eich: de Vafluacharei is scho so schlimm woan - des Karma woa scho wie elektrisiert, grod hoit dass eam net zrissen hot. An grauslichen Typ nebenbei, an Wuam im Hax, seitn Frühstück aussa Hoa nix gessn, komplett erledigt, da Busfoahra spüt indonesische Folklore mit 2000 Dezibel, na, na, des geht ois goa nimma.

Amoi is a steh blieben da Herr Busfoahra, do dürft eam da Hunga pockt haum, do is daun in so a Tschumsn eikehrt woan. Jetzt haum dei Indonesier de Aungewohnheit in de Lokale, dass de ois in da Fruah kochn und des gaunze Zeig daun in Degaln umanaunda steht, Fleisch, Fisch, Eier, ois afoch, net gekühlt, meistens in da Sonn. Da europäische Mogn sogt do eher nein danke und so woas daun hoit im Tschumsal ah, und so hot ea hoit nur a Schüsserl Reis gessn, da "Herr eicha Essen is ma zu minderwertig" - hot eam natürlich abwertende Blicke der Busreisenden eibrocht.

Tja und wos soi i sogn, um 22.30 woa ea daun eh scho in Ende, tatsächlich woa ea a eher am Ende, owa a irgendwie hoit in Ende, direkt voam Hotö, wo Surprise Surprise kana der englischen Sprache mächtig woa. Eine ins Zimmer, gschlofa und in Wecker auf 6e gstöt, weil da Weitatransport gheat jo organisiert.

In da Fruah auf, nu imma kana im Hotö, der englisch redt. Ca. 3km is ea daun in Richtung Stodt gaunga, weils Hotö woa a bisl weg vom Schuss, Sonntag woas, de Leit olle aum Weg in de Kirchn gwesen, weil Flores hauptsächlich katholisch. Somit a olles geschlossen, Touristeninfo sogoa vernogelt (komisch mochn si de imma de Mühe de Info zu vernogeln, wenns zuaspean oda wie?). Najo wos duat ma, ma geht in verschieden Hotös und frogt ob iagendwer englisch kau um herauszufinden wie des jetzt mit an Transport noch Maumere ausschaut?

Im fünften Hotö woa daun eh glei ana, dea Auskunft geben hot kinna. Dass an öffentlichen Bus gibt und wo dea weggeht  - nur ca. 5km vom Hotö weg. Do woara im siebten Hümme da Phil, kane besen Gedaunken mehr (nur vorher wie ea kan gfunden hot der englisch redt woans wieda do de Vafluachareien...).

In Rucksock ausgfosst und beschlossen, dass er jetzt do z´Fuaß higeht zum Bus mit sein gaunzen Zeig, owa des geht scho. Auf amoi hot eam auf Stroß ana augredt wo ea hiwü, der hot sa an Zeitungskiosk ghobt - najo und der hot komischerweis zwa drei Wörter englisch kenna. Auf olle Fälle hot dea daun an Mopedfoahra aufghoitn, dem da Phil a poa z´Quetschte gebn hot und dea eam daun zum Busterminal fiahn hätt soin. A Traum des Büd, großer Rucksock hint, klana foahn, hintn aum Moped ghuckt und Todesaungst ghobt.

Kurz voam Busterminal (wie si nochhea aussagstöt hot) san daun auf amoi 10 Mauna auf de Stroßn grennt und haum eam vom Moped owazaht und haum olle in gebrochenstem Englisch gmant, dass ea an Private Driver braucht, weil Bus des geht jo jetz für an Touri goaned und außadem verdienan seh daun nix damit. Noch ewiger Hin und Her-Haundlarei is a daun in an Auto gsessn, des olle Dam laung steh blieben is, weil der Foahra jeden aum Weg gfrogt hot, ob er noch Maumere muaß damit er sei Hittn voi kriagt. Nervig anaseits, owa voi woas daun glei amoi des Auto, somit unguat aundaraseits - die bösen Gedaunken woan wieda do: Es Eierbären, es Schei...heisln, und es hot scho wieda daumpft vor lauta schlechtem Karma...

Owa iagendwaun woa ea daun trotzdem in Maumere da Phil, in an Hotö mit an zwielichtigen Typen, der a natürlich glei amoi kontrolliert hot, ob de Hautfoab eh echt is. A Superzimma hot er daun ghobt da Phil, deluxestens kunnt ma sogn, owa woa wuascht, weil eh nur für a Nocht. Iagendwie hots eam eh do scho greicht, owa essen warat hoit a amoi supa gwesen, jetz is a hoit nu moi ausse ausn Hotö: auf 200 Meter ins Lokal vo ca. 6000 Leit autatscht woan, warums des mochn, ma waß es net, vielleicht is hip, wenn ma moi an Europäer in da Haund ghobt hot. Internetkaffee hots nochn Essen a nu ans geben (ma muaß jo denan Mädels bescheid geben, dass ma lebt), a Draum muaß ma sogn - lauta klane Hoizkabinen, wo ea si daun einegsitzt hot da Phil und kurz a mail gschrieben hot. Iagendwie hot ea si daun docht währendn Schreibn, iagendwos is komisch: aufgschaut - san ungefähr 20 Leit um sei klane Hoizbox ummadumgstaundn und haum gschaut, ob do wirklich ana sitzt dessen Hautfoab net der Ihren entspricht. Gaunz sche schräg hot ea si docht, a bisl gfiacht hot a si a, owa so is des hoit im fremden Laund, allane, mit schlechte Gedaunken und an mittlerweile beschissenem Karma. Zruck ins Hotö und nur mehr gschaut, dass da Tog vorbeigeht, mitn Wurm gredt, dass er sein Fuaß net voiständig fressen soi, bevor er in Bali in da Klinik gekillt wird, Südostasien vafluacht und auf ana Pritschen gschlofn hot a, weil Bett warat übertriebn zu sogn.

Najo und iagendwaun woara hoit ume da Tog und de Nocht a und daun is ea hoit noch Bali gflogn da Bup, vorher is er aum Fluhgofen olladings nu ausgnumma woan wie a Weihnochtsgauns, wegen de Taxen und so haums gmant. Eh wuascht, vafluacht woans eh scho olle Karma komplett am Ar...

Wos hot ea gseng da Phil? Net so vü außa de Kraterseen, weil des woa da Deal, dass da Herr Privatedriver do stehbleibt, wie hots eam daugt in Phil, net so, weil waun da Geist amoi verseucht is, des Karma in Boch owegeht und da Wuam im Hax net zum schlängeln aufheat, daun geht an afoch ois aum Oa.. und daun ziagt ma unweigerlich des schlechte au. Des hot si afoch wieda amoi so bewoahheitet, dass eam nu imma gaunz schlecht is vo dera mörderischen Erkenntnis.

Wos sogt uns des gaunze: Immer Karma-Hygiene betreiben, weil sunst is Leben afoch am Arsch!

Um des gaunze zu unterstreichen - der Deluxe-Duschbereich des Hotelzimmers in Maumere (kleines Gefäß = Dusche)